සමාගම පිළිබඳව
වැලිබල් යෝධ ශක්තිය
අප ගැන
වැලිබල් ෆිනෑන්ස් සමාගම යනු ගනුදෙනුකරුවන් වෙත නව්ය හා මුදලේ වටිනාකමට සරිලන මූල්ය සේවාවන් සලසා දීම මගින් ඔවුනට නිසි මග පෙන්වන ආයතනයකි. අපගේ කාර්යය මණ්ඩලයේ වෙහෙස හා කැපවීම තුළින් මෙන්ම ගනුදෙනුකරුවන් අප කෙරෙහි තබා ඇති උපරිම විශ්වාසය හේතුවෙන් අතිවිශිෂ්ට වූ වර්ධනයක් අත්පත් කරගනිමින් වසර 19ක සන්ධිස්ථානයකට පැමිණීම, අපගේ ව්යාපාරික මෙහෙයුම්වල සාර්ථකත්වය පිළිබඳ කදිම සාක්ෂියකි.
වැලිබල් ෆිනෑන්ස් සමාගම වසර 19ක කෙටි කාලයක් තුළදී වාර්තාගත හා කැපී පෙනෙන ඉහළ වර්ධනයක් ලබන්නට සමත්ව සිටී. විශේෂයෙන්ම ඉතා අභියෝගාත්මක හා පසුගාමී කාල පරිච්ඡේදයන් තුළදී පවා ගුණාත්මක හා ප්රමාණාත්මක යන අංශ දෙකෙහිම පැහැදිලි වර්ධනයක් ලබාගනිමින් ක්ෂේත්රයෙහි ආදර්ශමත් මූල්ය සමාගමක් බවට පත්වන්නට අපට හැකිවී ඇත. මෙය අපගේ කැපී පෙනෙන කාර්යය මණ්ඩලයේ හැකියාව, අපගේ ශක්තිය හා සැමවිටම වඩාත් ඵලදායී වූ දේ සිදුකිරීමට ඇති අවශ්යතාවය මෙන්ම අපගේ ඉහළ කාර්යයසාධන උපායමාර්ග තුළින් ලද ජයග්රහණයකි.
ශ්රී ලාංකීය ජන සමාජයේ විවිධ වූ අවශ්යතාවයන්ට හරියටම ගැළපෙන නව්ය මූල්ය විසඳුම් විශාල ප්රමාණයක් සමාගම මගින් සලසා දෙයි. දිවයිනේ බස්නාහිර, මධ්යම, සබරගමුව, දකුණු, වයඹ, ඌව හා උතුරු මැද පළාත් තුළ විහිදුණු 86කට අධික ශාඛා ප්රමාණයකින් මෙන්ම විශේෂයෙන් පුහුණු කළ 2,000කට අධික සේවක මණ්ඩලහෙි කැපවීම තුළින් ගනුදෙනුකරුවන් උදෙසා සැමවිටම ඉහළ ගුණාමක්මකභාවයෙන් යුත් වෘත්තීය මට්ටමේ සේවාවක් ලබා දෙයි.
වසර ගණනාවක් පුරා අපි ව්යවසායකින්ගේ සිට විශාල පරිමාණ සමාගම් දක්වාත් කුඩා පරිමාණ ව්යාපාරවල සිට ගෘහාශ්රිත කර්මාන්ත දක්වාත් ගනුදෙනුකරුවන්ට සාර්ථක හා සතුටුදායක මූල්ය සේවාවාවන් ලබා දී ඇත්තෙමු. වෙළෙඳ පොළෙහි විවිධ කාණ්ඩලවලට උචිත වූ නව්ය මූල්ය සැලසුම් හා ක්රමවේද තුළින් මූල්ය අවශ්යතාවයන් සපුරාදීම අපගේ පරිණතභාවය මනාව පිළිබිඹු කරන්නකි.
කොළඹ මධ්යයේ පිහිටි වැලිබල් ෆිනෑන්ස් හි නවීනතම තාක්ෂණයෙන් සමන්විත ආයතනික කාර්යාලය, නගර අහසරේඛාවේ දිදුලන සංකේතයක් ලෙස බැබළෙමින්, විශිෂ්ටත්වය හා නවෝත්පාදනය කෙරෙහි සමාගම දරන අචල වගකීම ප්රතිබිම්බිත කරයි. මෙම උසස් ප්රමිතියේ කාර්යාල සංකීර්ණය මූල්ය සේවා කර්මාන්තය තුළ විශිෂ්ටත්වයේ පරමාදර්ශයක් හා ප්රබල සංකේතයක් වීමට ස්ථානගත කර ඇති අතර, රටේ මූල්ය තිරසාරභාවය ප්රවර්ධනය කිරීම සඳහා වැලිබල් ෆිනෑන්ස් දක්වන කැපවීම නැවත තහවුරු කරන තවත් සැලකිය යුතු සන්ධිස්ථානයක් ලෙසද පෙනී සිටී.
අපගේ දැක්ම
ජාතික පුනර්ජීවනයක් සඳහා වැඩි ප්රදේශ ගණනාවක වැඩි ජන පිරිසක් කොටස්කරුවන් කරගනිමින්, අප රටේ මූල්ය ක්ෂේත්රයේ යහපත් වෙනසක් ඇති කිරීම උදෙසා නොසිඳෙන ජවයකින් යුතුව අපගේ උපකාර අවශ්ය ජනතාව සොයා යෑම.
අපගේ මෙහෙවර
ජනතාවගේ හදගැස්ම හඳුනාගත් මූල්ය සේවා ව්යාප්තියක් සැකසීම හා ලබා දීම වෙනුවෙන් වෙහෙස නොබලා කටයුතු කිරීම අපගේ ආචාර ධර්මය කර ගනිමින් ගනුදෙනුකරුවන්ටත්, කොටස්කරුවන්ටත් පොදුවේ අප රටටත් වගකීමට බැඳුනු, මූල්ය සේවා සපයන්නෙකු ලෙස නිරත වන සෑම කාර්යකදීම වගකීමෙන් යුතුව විශිෂ්ටත්වය කරා යාම.
